طريق الايمان
مرحبا بك زائرنا الكريم زيارتك تسرنا وتسجيلك معنا يشجعنا




 
الرئيسيةس .و .جالتسجيلدخول

شاطر | 
 

 دولة أنتيكا المهلبية

اذهب الى الأسفل 
كاتب الموضوعرسالة
محبة الشهادة
عضو جيد
عضو جيد
avatar

عدد المساهمات : 204
تاريخ التسجيل : 18/02/2008

مُساهمةموضوع: تقويم أنتيكا   الأربعاء يوليو 23, 2008 1:55 pm

قصر الحاكم

نادى الحاكم على كبير وزرائه فدخل اليه مسرعاً:
- أى أوامر ياجناب الحاكم ؟
- طبعاً فيه أوامر ...أمال جايبك أتبارك بسحنتك؟
-اؤمرنى يافندم...
- أنا ملاحظ ان عيد ميلادى مابيجيش غير مرة واحدة .فى السنة... ازاى الكلام ده ؟
- ماهو كل الناس كده يافندم
وهو انا زى كل الناس ياحيوان !!
- العفو يافندم .. مش قصدى طبعاً ..... بس هى الشهور كده.. نعمل ايه يعنى ؟؟؟
- تخيل أن أو ل مرة آخد بالى ان انتيكا ماشية على نفس التقويم بتاع بلاد بره ؟
- ودى فيها ايه يافندم ؟ ماهو العالم كله كده!!
- ماينفعش ... لو عاوزين نبقى دولة عظمى بجد لازم إحنا اللى نعمل التقويم اللى نمشى عليه .. ماحدش يفرض علينا التقويم بتاعه ، " من لا يملك تقويمه لا يملك عيد ميلاده"
- يعنى سيادتك عايز تعمل ايه بالضبط ؟
- والله أنا لسه ماقررتش .. بس هى دى الفكرة العامة .. استدعى لى وزير البيئة و( عبده الترزى)
- بس ياجناب الحاكم وزير البيئة ماله ومال الموضوع ده ؟
- أمال نجيب مين ؟
- فيه عندنا وزير اسمه وزير الحكم المحلى ، مابيعملش أى حاجة فى حياته ومرمى على القهوة طول النهار !
وزير الحكم المحلى!!! دا مين اللى عينه دا ؟؟
سيادتك يافندم .. لما لقيت وزير اسمه كده فى اليابان ، وقلت احنا مش اقل من اليابان ورحت معينه
- حكم محلى!! ..دا عمره مابعت لى هدية ولا اكرامية ولا أى حاجة ! ماشى .. ابعت استدعيه
- حالا يافندم

بعد فترة يدخل الوزير و ( عبده الترزى)
- صباح الأناناس ياجناب الحاكم ....
- أهلا يا( عبده) ( ويوجه كلامه للوزير) أهلا ياخويا .. حبيبى اللى نايم فى الدرة ومسقع للحاكم اللى معينه وبيدى له لقمة عيشه .. اتفضلوا
خير يافندم
- بقى ياجماعة بلد بحجم أنتيكا لازم تكون منفردة .. وباختصار أنا بفكر فى عمل تقويم خاص بأنتيكا
- تقويم خاص بأنتيكا!! ازاى يعنى يافندم؟
- يعنى نغير اسامى الشهور ، نغير السنين ، نلعب فى التاريخ والشهور والأيام .. يعنى بمعنى أصح نقلب الأجندات والنتائج
- وايه الهدف يافندم؟
- الهدف ان الايام تعدى بسرعة ، وعيد ميلادى يجى كذا مره فى السنة : ودا معناه انى أقفش الابيج من الرؤساء والملوك والوزراء والمستشارين اللى زيكم كدا كذا مره ودى لقمة عيش بغاشة ... ( للوزير) فاهمنى يابتاع الحكم المحلى؟
- (عبده) دى فكرة جديدة يافندم
- الحاكم : هى لها كمان بعد قومى..
- ازاى؟
- لما السنة تعدى بسرعة هانقبض المعونات كذا مره فى السنة .. وسلم لى على البنك الدولى
- وزير الحكم المحلى: أنا شايف اننا نبدأ بتغيير الساعة
- ازاى؟ يعنىالساعة تبقى اتناشر دقيقة
- أديك ابتديت تفهم قصدى أهو
- والدقيقة عشر ثوانى .. وبكده الوقت يعدى بسرعة
- ( عبدة): وممكن كمان نخلى الاسبوع ثلاث أيام بس الأيام الكثير الى لخبطتنا دى اشى حد واشى تلات
- تلات ايه تف من بقك
- على رايك ليه يعنى يبقى سبع ايام؟ .. من كثر الأيام فى النتيجة ! دا سوء استخدام للايام
- هما ثلاث ايام يافندم يوم شغل ويوم أجازة ويوم احتياطى ..
- احتياطى لايه ؟
- عشان لو يوم الشغل طلع أجازة رسمى
- كلام جميل ، وفائض الأيام دا نبيعه لأى بلد تانية بالدولار
- فكرة ممتازة .. أنا رأي ان اسبوعنا يبقى يومين خميس وجمعه
- الحاكم : وبالنسبة للشهور ياجماعة لازم اساميها تتغير تماماً
- فيه اقتراحات معينة يافندم؟
- مثلا يناير وفبراير واغسطس نضمهم على بعض ونسميهم مثلا ينفبطس
- بس ينابر وفبراير شتا واغسطس صيف!!
- خلاص ياابنى مفيش صيف ولا شتا .. دا هايبقى كلام قديم السنة هاتبقى فصلين بس الشتا ينضم على الصيف ويبقوا فصل( الشيف) والخريف ينضم على الربيع ويبقوا (فصل الخريع)
- ونضم كل ثلاث شهور على بعض ونسميهم اسم مختصر
- بس تسيبو ا شهر سبتمر لوحده ..دا الشهر اللى فيه عيد ميلادى يفضل زى ماهو
- (عبده) حيث كدا بقى بقترح نسميه شهر الفاتح لان دا الشهر اللى اتفتحت فيه عيون الحاكم على الدنيا
- الوزير: لا بعد اذنك يااستاذ عبده انا شايف ان الشهر ده دا شهر خاص بالحاكم يبقى نسميه شهر الحاكم .. يعمل فيه اللى هو عاوزه
- فكرة هايلة ياابنى .. انت لازم تترقى هاخليك عميد
- عميد ايه بس يافندم؟ انا وزير أد الدنيا
- ايه .. مش عاجبك رتبة عميد .. خلاص هاخدها انا .. من النهاردة انا الاخ العميد الحاكم
- طيب بالنسبة للاجازات ووالاعياد القومية ؟
- بص خليها مفاجاة ، يعنى نصحى الصبح ونشوف مزاجنا ايه لو جايب على شغل يبقى يوم عمل ، ولو مالناش مزاج يبقى عطلة رسمية
- ( عبده) كمان يافندم لازم نغير فى المراسم الدبلوماسية
- يعنى ايه
- يعنى مثلا لو فيه اى رئيس دولة جاى عندنا ، مش معقول نحجز له فى فندق خمس نجوم احنااولى بالفلوس دى كلها
- أمال نعمل ايه؟
- عودة للأصالة وعراقة الاجداد .. خيمة من جلد الماعز يترمى فيها هو والحاشية بتوعه لحد مازيارته تخلص ويابخت من زار وخفف
- فكرة ممتازة .. ونقول له ان هو دا الفلكور بتاعنا وطبعا مش هيقدر يتكلم
- وزير الحكم المحلى:بس كده هايبقى فيه مشكلة ياجناب الحاكم
- خير؟
- لو احنا سافرنا لبلد الرئيس ده بعد كده هاينزلنا فى خيام تنفيذا للفلكلور اللى احنا قلنا عليه وساعتها هنتبهدل احلى بهدلة
- ( عبده) ساعتها نقول له اننا غيرنا الفلكلور واللى خلانا نغير التاريخ مش هنغلب فىشوية فلكلور
- الحاكم : كمان ياجماعه عايزين نختار لانتيكا اسم عظيم يليق بيها
- ايه رايك يافندم فى ( جمهورية انتيكا العظمى)
- يعنى مش قوى
- طيب ايه رايك فى( الجماهيرية الانتيكية الحزبية الشعبية الديكتاتورية الطعمية العظمى) لصاحبها ومديرها حاكم أنتيكا المبجل
- اهو كدا تملى العين .. انا موافق..طيب ياجماعة القرارت دى كلها تتنفذ من النهاردة
- الوزير وعبده الترزى فى نفس واحد: حيث كدا بقى عن اذنك يافندم
- على فين
- بالتوقيت الجديد النهاردة الجمعه اجازة ..سلامو عليكو
- ستنى انت وهو
- خير يافندم؟
- بالتقويم الجديد النهاردة عيد ميلادى .. ايديكم على الهدايا ياحلوين

كتاب " حدث فى أنتيكا "
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
غريبة في زمن الغرباء
عضو جيد
عضو جيد
avatar

عدد المساهمات : 311
تاريخ التسجيل : 16/03/2008

مُساهمةموضوع: رد: دولة أنتيكا المهلبية   الأربعاء يوليو 23, 2008 2:11 pm

هههههههههههههه
بااااااااارك الله فيك ياغالية وجززاك الله خيراً..
ماشااااااء الله مميزة دائما بمواضيعك ياغالية...
أعااااانكم الله على رئيس (الجماهيرية الانتيكية الحزبية الشعبية الديكتاتورية الطعمية العظمى)
ماشاء الله حكام أخر زمن كلهم على حفة قبرهم عليهم من الله مايستحقون..
الله يريحنا منهم على خير يارب ويرزقنا من لايخشى في الله لومة لائم يااااااالله فهذا ليس بمعجزك..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
abukhattab
عضو جيد
عضو جيد


عدد المساهمات : 206
تاريخ التسجيل : 25/02/2008

مُساهمةموضوع: رد: دولة أنتيكا المهلبية   الأربعاء يوليو 23, 2008 5:15 pm

هههههههههههههههههه جزاااااااااك الله الفردوس اختي والله وننتضر موااضعك الراائعة
الحكااام هاذا الزمااان الصليبي المجرم واليهودي المجرم والحكام الخونة من يحاصر ويقتل أهل العراق وفلسطين

الا لعنة الله عليكم ما حييتم ايها الحكام الخونة

الا لعنة الله عليكم ما حييتم ايها الحكام الخونة الانجاس

اللهم عليك بحكام العرب الذين حالوا بيننا وبينا إخواننا اللهم أخرج حب الدنيا من قلوبنا


لا حوله ولا قوة إلا بالله لا حوله ولا قوة إلا بالله لا حوله ولا قوة إلا بالله لا حوله ولا قوة إلا بالله


اللهم أرنا فيهم أياما سوداء... وأجرِ عذابهم في الدنيا على أيدينا...

رب ولا تقبضهم إليك قبل أن ترينا فيهم عجائب قدرتك وغرائب صنعتك... اللهم أصبهم إصابة عظيمة في أرواحهم وأموالهم وأولادهم وأعراضهم وعقولهم... رب وشرد بهم من خلفهم...
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
دولة أنتيكا المهلبية
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
طريق الايمان :: منتديات المجالس المتنوعة :: المنتدى العام-
انتقل الى: